Fjelltrimmen 31. juli 2011 (Side 27)
I år inviterte trimgruppa i Suldal Idrettslag på fjelltur til molybdengruvene ved Langevatn i Bykleheia. Området har
ein flott flora, spanande geologi og er rikt på kulturhistorier. Storhidler og Skutesteinen ligg og innan rekkevidde.
Turen passar for alle som likar å gå tur og kjenner seg så nokolunde i form. Turen kan ta ca. 8 – 9 timar.
Oppmøte var ved bommen på Sandvatnet kl 10. Ein følgjer anleggsvegen ca 7 km innover mot Holmavatnet før ein tar inn
på stien i dalen som går i austleg retning. Ein må rekna med ca. 1 times køyretur frå Suldalsosen til Sandvatnet.Trimgruppa ved Ellen Synnøve Hoftun, Olaug Haaranes og Tor-Inge Bråtveit arrangerte turen.
Utover hausten kjem eg til å leggja ut fleire bilde frå turen.
Me var 38 personar som gjekk fjellturen. Me fylte opp 8 bilar og køyrde innover anleggsvegen mot Holmavatnet.
Kl 10:40 starta me å gå austover stien mot Sloaros og Bykle.
Ein lite stopp for Tor Inge måtte opp å sjå etter ein sau og 2 lam som stod fast i fjellsida.
Her har me passert grensa mot Aust-Agder og høgaste punktet på vegen ned til molybdengruvene.
(Seinare på turen fekk med motbakkar og fleire hundre høgdemeter opp att).
Forsett langs stien under Fisketjørnnuten og ein ser Fisketjørn midt i bilde og litt til høgre Den lange tjørni.
Det nærmaste vatnet er Fisketjørn og bak ser ein Holmavatnet/Holmavasskilen.
Lett sti nedover dalen. Foten til Fisketjørnnuten på høgre sida.
Etter 1 time og 40 minutt gange (inkl. pausar) tar me av frå stien som går nedover til Sloaros og Bykle og går over på
stien som går sørvestover følgjer denne mot Molybdengruvene og Storhidler. På skiltet står det Storhedderen.
Turgjengen på veg mot molybdengruvene. Holmavatn skimtast i bakgrunnen.
Etter 2 timars tur er me framme ved restane som står att etter anleggsdrifta ved molybdengruvene inne på fjellet.
Nærmast ser ein steindemninga etter anleggstida. Vatnet til høgre forsynte anleggsstaden.
Steindemninga på anleggsplassen frå luftsida.
Tor Inge fortel om historia til anlegget her inne.
Ein ser tippane frå gruvene og grunnmurane etter verkstadsbygget.
Det var mykje "skrot" som låg her inne.
Frå hytta og steindammen var det ca 200 meter å gå bort til restane etter verkstad og gruvene.
Mykje skrot som kan fortelja ein god del om aktiviteten her inne.
Inngangen til molybdengruva.
Gruvegang mot dagen.
Inne i molybdengruva var det mørkt så me måtte ha med oss lykter.
Det var ein lysopning i taket i molybdengruva. Gruva forsette vidare bak personane som står i bakgrunnen.
Nokre i turgjengen fann ut at dette måtte væra senga til kokka på anlegget.
Etter å ha vært inne ved molybdengruvene i 1 time og 45 minutt var det klar for å gå vidare mot Storhilder.
Turen gjekk under Storhellerhalsen og langs Langvatn. Her inne er det og dyregraver.
Under Storhellerhalsen og langs Langvatn var der ei gjenrast dyregrav.
Ein lite pause etter at me passerte Langvatn.
Storhellervatn og Storhellerfjellet. Midt i bilde til venstre for snøfonna ser ein Skutesteinen (Skipet) og her ligg og Storhidleren.
Tok nokre få blomsterbilde.
Kl 15:15 etter ca 1 times gange frå molybdengruvene var dei fleste komet fram til Skutesteinen og Storhidleren.
"Runer" som ligg ved Storhedder og Skutesteinen
Skilt som står ved Skutesteinen.
Me starta turen heimatt kl 15:45 frå Storhedder og gjekk rett vestover.
Etter ca 75 minutts gange nærma me oss høgaste punktet på turen (kl 17:00). Til venstre ligg Svartepodd og vatnet
nærmast er Svartepoddtjødn og bak skimtar ein Svartepoddvatn og Storheddervatnet.
Kl 18:00 kunne me sjå Sandvatn att der turen starta kl 10:00 om morgonen. Nå er det "berre" nedoverbakke att men det
kunne ta på for enkelte med "vonde" kne.
Litt over kl 18:30 var dei første ned på anleggsvegen som går frå Sandvatn og inn til Holmavatn.
Kl 19:00 var dei fleste nede ved anleggsvegen og då var det berre å setja seg i bilane og komma seg heim til ein velfortent
dusj og berre slappa av resten av kvelden.
Turen for min del starta på Sand kl 08:00 og heime att kl 20:30.Takk for fin tur og flott gjeng.
